Nino é un rapaz con sorte. Acaban de nomealo Cobrelúas, o oficio co que sempre soñou. En diante, cada noite terá que tapar unha parte da lúa para que a vexamos devalar e arregoar. Por desgraza, Nino perde a pastilla que lle permitirá voar até o seu lugar de traballo! Daquela, os habitantes da localidade deciden botarlle unha man, e é así como nos aprenden que nada resulta imposible cando traballamos en grupo e unimos esforzos.